Schuldige weide

Smelsslems – Schuldige weide

zondag 4 januari 2009

Schuldige weide
Ruurlo, 9 november 1949

Googlend in Nationale Archieven
zoegt miene oge naor man dee met
bókse tiggen puntdraod ansteet,
wiezen naor waor ’t raoden anvengt.
Op de foto met ’n kruus anegeven.
Niet wiet weg van ’t stro van Leve.

Drasseg lappe grond bi-j Van Heeckerenbekke.
Bekend terrein veur Drikus van de Stampert.
Met de kónt in botter van de Profiet.
De jacht zat ‘m in ’t blood bo wisse.
Verbannen uut ’t velt van ’t Wissche.
Den in zicht van lechtbak toch ’t leaven liet.

Raodsels nam e met, met de wind.
‘k Heuren de vehalen as klein kind.
Onder taofel en ’n zwaoren sigarenlóch.
Luusteren neet naor enig gebód of wet.
Was daor nów grechtegheid an zet?
Aover ’n kearl dee eigenwiesheid zóch.

In de schemme van de lechtbak kwam an ’t lech
dat in ’n handgemeen zienen Henk was ‘estorven
Net veurdat e zelf ok uut de tied werd neer ‘eleg.
D’n kearl dee in de oorlog zovölle luu had ‘eborgen.
Drikus den zovölle leavens had ‘eholpen.
Verkeerde tied, verkeerde oord.
De rechtvaardegheid vrömd verklaord.

En drók dat ’t was in Varsseveld.
Veur Henk en Drikus de letste veren.
Op weg naor ’t eeuwige jachtveld,
op twaalf novembernaomeddag.
het knallen van de jachtgeweren.
Jao, wat ha’j dan anders ‘edach.
Wi-j zölt dee indianen leren!

Hans Mellendijk
Naor anleiding van ’t book ‘Tegendraads’
van Jan Braakman, Uitgeverij Fagus 2008

pastedGraphic.png
Voeg toe aan je favorieten: Permalink.

Reacties zijn gesloten.